UQK QazaqGaz Aimaq Jetisý fılıaly dırektorynyń ustalǵanyn rastady

ASTANA. KAZINFORM – Qazaqstan Ulttyq qaýipsizdik komıteti «QazaqGaz Aimaq» AQ Jetisý óndiristik fılıalynyń dırektory Aıbek Erǵalıdiń ustalǵanyn rastady, dep  habarlaıdy Kazinform agenttiginiń tilshisi.

Vedomstvonyń habarlaýynsha, qazirgi ýaqytta sotqa deıingi tergeý amaldary júrgizilip jatyr. Tergeý múddesi úshin qosymsha aqparat jarııalanbaıdy.

- QR Qylmystyq-protsessýaldyq kodeksiniń 201-babynyń 1-bóligine sáıkes sotqa deıingi tergeý aqparaty jarııa etilmeıdi, - dep túsindirdi UQK.

Aıta ketý kerek, Aıbek Erǵalı qamaýǵa alynǵannan bir kún buryn BAQ ókilderine brıfıng ótkizip, onyń barysynda jergilikti turǵyndar úshin gaz baǵasynyń ósýine qatysty máselelerdi túsindirdi.

Buryn QR Ulttyq qaýipsizdik komıteti (UQK) OrdaMed basshysyn izdeý jarııalaǵany týraly habarlanǵan bolatyn.

Bul týraly quqyqtyq statıstıka jáne arnaıy esepke alý organdarynyń portalynda jarııalandy.