UQK Óskemen turǵynyn urlap, óltirip ketken kúdiktini ustady
ASTANA. KAZINFORM - Bıyl 14 shildede Ulttyq qaýipsizdik komıteti Almaty qalasy polıtsııa departamentimen birlesip, 2025 jyly mamyrda Óskemen qalasynyń turǵynyn urlap óltirgen, kúdikti toptyń eki múshesin ustaý boıynsha operatsııa júrgizdi.
QR Ulttyq qaýipsizdik komıeti baspasóz qyzmetiniń habarlaýynsha, atalǵan adamdar 2025 jyldyń maýsymynan beri izdeýde bolǵan. Olarǵa qatysty eki aıǵa qamaýǵa alý bultartpaý sharasy taǵaıyndaldy. Olar ýaqytsha ustaý ızolıatoryna qamaldy.
Sondaı-aq izdestirilip jatqan adamdardy qasaqana jasyryp júrgen Almaty qalasynyń turǵynyn qylmystyq jaýapkershilikke tartý máselesi de sheshilip jatyr.
- Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy. Qylmystyq kodekstiń 432-babyna sáıkes, qylmys pen qylmyskerlerdi jasyrǵany úshin jaýapkershilik qarastyrylǵanyn eske salamyz, - delingen UQK baspasóz qyzmeti taratqan habarlamada.
Osyǵan deıin Ulttyq qaýipsizdik komıteti atynan áreket etetin adamdardyń alaıaqtyq faktileri jıi tirkelip jatqany týraly jazdyq.