UQK ońtústik oblystardan Astanaǵa esirtki jetkizetin arnanyń jolyn kesti
ASTANA. KAZINFORM - Ulttyq qaýipsizdik komıteti Bas prokýratýranyń úılestirýimen Qazaqstannyń ońtústik oblystarynan Astanaǵa esirtki jetkizýdiń óńirlik arnasynyń jolyn kesti.

QR UQK baspasóz qyzmetiniń habarlaýynsha, esirtki tasymaldaý kezinde «narkokýrer» ustaldy. Kólikti tekserý barysynda 45 kg gashısh pen 312 kg marıhýana tabylyp, tárkilendi.
Budan ózge, tintýler nátıjesi boıynsha qosymsha 1,6 tonna marıhýana, sondaı-aq 1 kg gashısh tárkilengen.
Esirtki Qazaqstannyń soltústik óńirlerinde kóterme jáne bólshek saýdaǵa arnalǵan ekeni belgili.
Qylmystyq kodekstiń 297-babynyń 3-bóligi boıynsha sotqa deıingi tergeý júrgizilip jatyr. Kúdiktiler qamaýǵa alyndy.
- Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy, - delingen
QR UQK baspasóz qyzmeti taratqan aqparatta.
Osyǵan deıin Ulttyq qaýipsizdik komıteti zańsyz aınalymnan 3 tonnadan astam esirtki tárkilendi.