UQK-nyń qaza tapqan qyzmetshileri 1 mınýt únsizdikpen eske alyndy
«Elimizdiń Ulttyq qaýipsizdik komıtetiniń tarıhynda shynaıy batyrlyqtyń, óz eli men halqyna degen múltiksiz adaldyqtyń kóptegen úlgisi bar. 25 jyldyq mereıtoıdy atap óte kele biz týǵan jeriniń turaqtylyǵyn, beıbitshilikti saqtaý jolynda janyn pıda etken óz eliniń naǵyz patrıottaryn eske alýǵa mindettimiz. Endi sizderdiń qyzmetterińiz osyndaı. Ókinishke oraı sizder mundaı táýekelge barasyzdar, bul qyzmettiń sapyna óz erikterimizben kiresizder. Qazir bizdiń ortamyzda joq qyzmetshiler de bar. olar óz ómirlerin bizdiń elimizdiń tynyshtyǵy men táýelsizdigi úshin qıdy. Olardy bir mınýt únsizdikpen eske alýdy usynamyn», - dedi merekelik kontsert barysynda sóz sóılegen Qazaqstan Prezıdenti Nursultan Nazarbaev.
Elbasy búgingi kontsertke qaza tapqan qyzmetshilerdiń jubaılary otyrǵandyǵyn atap ótti.
«Olar ár ýaqytta da UQK nazarynda bolatyndyǵyna sendirgim keledi. Olardyń balalary da nazarda bolady. Bul - bizdiń ortaq mindetimiz», - dedi Memleket basshysy.
