UQK-niń jańa qyzmeti bir aıda sybaılas jemqorlyqqa qatysty 17 qylmystyq is qozǵady

ASTANA. KAZINFORM — Sybaılas jemqorlyq faktilerin habarlaǵan eki adam 471,84 myń teńge kóleminde syıaqy alǵan. Bul týraly UQK baspasóz qyzmeti málim etti.

Shilde aıynda Qazaqstan Respýblıkasy Ulttyq qaýipsizdik komıtetiniń Sybaılas jemqorlyqqa qarsy qyzmeti Qazaqstan Respýblıkasy Qylmystyq kodeksiniń kelesi baptary boıynsha saralanǵan 17 quqyq buzýshylyq faktisin tirkedi:

— 362-bap (bılikti nemese laýazymdyq ókilettikterdi asyra paıdalaný) — 3;

— 366-bap (para alý) — 5;

— 367-bap (para berý) — 4;

— 190-bap (alaıaqtyq) — 2;

— 147-bap (jeke ómirge qolsuǵylmaýshylyqty jáne Qazaqstan Respýblıkasynyń derbes derekter jáne olardy qorǵaý týraly zańnamasyn buzý) — 1;

— 361-bap (laýazymdyq ókilettikterdi teris paıdalaný) — 1;

— 364-bap (kásipkerlik qyzmetke zańsyz qatysý) — 1 baptary boıynsha saralanatyn 17 quqyq buzýshylyq faktisin tirkedi.

Sotqa QR Qylmystyq kodeksiniń:

— 189-bap — 1 (senip tapsyrylǵan bóten múlikti ıemdenip alý nemese talan-tarajǵa salý);

— 190-bap — 6 (alaıaqtyq);

— 206-bap — 1 (aqparatty quqyqqa syıymsyz joıý nemese túrlendirý);

— 218-bap — 1 (qylmystyq jolmen alynǵan aqshany jáne (nemese) ózge múlikti zańdastyrý (jylystatý));

— 361-bap (laýazymdyq ókilettikterdi teris paıdalaný) — 1;

— 366-bap — 2 (para alý);

— 367-bap — 3 (para berý);

— 433-bap — 1 (qylmystyq quqyq buzýshylyqty jasyrý) baptary boıynsha 16 qylmystyq is jiberildi.

Aıaqtalǵan ister boıynsha memleketke jalpy somasy 113,6 mln teńgege keltirilgen zalal qaıtarylǵan.

619,1 mln teńge múlikke tyıym salyndy.

Sybaılas jemqorlyq týraly habarlaǵany úshin 2 adamǵa 471,84 myń teńge somasynda syıaqy berildi.

Bul baǵyttaǵy jumys jalǵasyp jatyr.