UQK Nazarbaev Ýnıversıtetinen 12 mln teńge óndirdi

ASTANA. KAZINFORM – Ulttyq qaýipsizdik komıteti Astana qalasynyń aýdanaralyq mamandandyrylǵan ekonomıkalyq sotynda Nazarbaev Ýnıversıtetin jeńip shyqty.

«Qazaqstan Respýblıkasy Ulttyq qaýipsizdik komıteti» RMK talap aryzy qanaǵattandyrylsyn. «Nazarbaev Ýnıversıteti» avtonomdy bilim berý uıymynan memlekettiń kirisine 12 038 750 (on eki mıllıon otyz segiz myń jeti júz elý) teńge, memlekettik bajǵa 361 132 (úsh jyz alpys bir myń júz alpys eki) teńge óndirilsin», - delingen sýdıa Asan Bakıshevtiń sheshiminde. 

Sondaı-aq, atalmysh sheshimge apellıatsııalyq shaǵym túsirýge bolatyny aıtylǵan.

Іs materıalyna júginsek, 2021 jyldyń 13 shildesinde Ulttyq qaýipsizdik komıteti «Nazarabev Ýnıversıteti» avtonomdy bilim berý uıymymen ǵylymı-zertteý jumysyn maqsatty baǵdarlamamen qarjylandyrý týraly kelisimshart jasaǵan. Zertteý taqyryby – ıntellektýaldyq krıptografııalyq júıeler: apparat-baǵdarlamalyq ázirleme. Zerteý merzimi – 2023 jyldyń aıaǵyna deıin. 

Jalpy jobany qarjylandyrý kólemi 120 383 750 teńge bolǵa. Kelisimshart merzimi keshiktirilgeni úshin ýnıversıtet UQK-ge osy somanyń 10 paıyzyn ósimpul retinde tóleıtin boldy.