UQK men ІІM birlesken operatsııasy: qylmystyq toptyń 20 múshesi qolǵa tústi
ASTANA. KAZINFORM – Іs-sharalar bir mezgilde Almaty, Shymkent qalalarynda, Aqtóbe, Almaty, Shyǵys Qazaqstan, Jambyl oblystarynda, sondaı-aq Abaı jáne Jetisý oblystarynda ótkizildi. Bul týraly UQK habarlady.
— 4 aqpanda Ulttyq qaýipsizdik komıteti Іshki ister mınıstrligimen birlesip, Bas prokýratýranyń úılestirýimen qarý-jaraqty ótkizý jáne saqtaý, qorqytyp alý, urlanǵan avtokólikti zańdastyrý, sondaı-aq ózge de qylmystarǵa qatysy bar birqatar qylmystyq toptardyń zańsyz qyzmetin toqtatýǵa baǵyttalǵan arnaıy operatsııany júzege asyrdy, — delingen habarlamada.
Іs-sharalar bir mezgilde Almaty, Shymkent qalalarynda, Aqtóbe, Almaty, Shyǵys Qazaqstan, Jambyl oblystarynda, sondaı-aq Abaı jáne Jetisý oblystarynda ótkizildi.
Nátıjesinde 20 adam ustaldy, olardyń 10-y ýaqytsha ustaý ızolıatoryna qamaldy.
Tintý barysynda kúdiktilerden atys qarýy, oq-dáriler, esirtki zattary, iri kólemdegi aqsha qarajattary, sondaı-aq ózge de zattaı dáleldemeler tárkilendi.
Qazirgi ýaqytta sotqa deıingi tergep-tekserý júrgizilip jatyr.
Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.
Aıta ketelik shekarada qarý-jaraq, janarmaı jáne valıýta kontrabandasy áshkerelengeni týraly jazǵan edik.