UQK: Maýsymda shekara buzǵan 5 myńnan astam adam ustaldy

ASTANA. KAZINFORM — UQK Shekara qyzmeti 2025 jylǵy maýsym aıyndaǵy is-qımyl nátıjeleri týraly málimdedi.

UQK Shekara qyzmeti Memlekettik shekarany kúzetý men qorǵaýdy qamtamasyz etý aıasynda 2025 jylǵy maýsymda quzyrly organdarmen ózara árekettese otyryp:

Shekara keńistiginde Qazaqstan Respýblıkasynyń zańnamalaryn buzǵan 5 359 adam ustaldy, sonyń ishinde 4 696 shetel azamattary.

Memlekettik shekara arqyly 1 569 zańsyz alyp ótý faktileriniń aldy alyndy, sonyń ishinde:

62 — qarýlar men oq-dáriler;
22 — dinı ádebıet (346 dana);
470 — jalpy somasy 6,8 mln teńgeden asatyn janar-jaǵarmaı materıaldary;
837 — jalpy somasy 2,8 mlrd teńgeden astam halyq tutyný taýarlary;
178 — jalpy somasy 1,5 mlrd teńgeden astam shetel valıýtasy.

Kaspıı akvatorııasynda 58 brakonerlik faktileriniń aldy alyndy, sondaı-aq:

25 dana júzý quraldary, jalpy uzyndyǵy 20 km asa tordy quraıtyn brakonerlik aýlaý quraldary, aldy alynǵan zalal somasy shamamen 34 mln teńge.

— Bul faktiler boıynsha materıaldar buzýshylardy jaýapkershilikke tartý úshin quqyq qorǵaý jáne sot organdaryna jiberildi. Memlekettik shekarada qandaı da bir shekteý sharalary engizilgen joq, ótkizý pýnktteri shtattyq rejımde jumys istep jatyr, — delingen UQK baspasóz qyzmeti habarlamasynda.

Aıta ketelik Qazaqstan Respýblıkasynyń Ulttyq qaýipsizdik komıtetine qosý arqyly Qazaqstan Respýblıkasynyń Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet) qaıta uıymdastyrylady.