UQK lańkestikke qarsy ortalyǵyndaǵy otyrysta jedel shtabtar jumysynyń tıimdiligin arttyrý máseleleri talqylandy
ASTANA. 17 sáýir. QazAqparat - Aǵymdaǵy jyldyń 16 sáýirinde ótken UQK lańkestikke qarsy ortalyǵynyń vedomstvoaralyq úılestirý komıssııasynyń kezekti otyrysynda respýblıkalyq, oblystyq, qalalyq jáne aýdandyq jedel shtabtar jumysynyń tıimdiligin arttyrýdyń kókeıkesti máseleleri,
sonyń ishinde turǵyndardyń kóp jınalatyn oryndarynda lańkestikke qarsy baǵyttaǵy oqýlardy ótkizý boıynsha másele ortaǵa salyndy.
Komıssııa jumysyna 11 respýblıkalyq mınıstrlik pen vedomstvolar basshylary men ókilderi qatysty, dep habarlady Qazaqstan Respýblıkasy UQK-niń baspasóz qyzmetinen.
Otyrys qorytyndylary boıynsha vedomstvoaralyq komıssııa aldaǵy ýaqytta azamattardyń qaýipsizdigine tónetin qaýipterge qarsy turýǵa jáne úılestirilgen is-qımyldardy odan ári nyǵaıtýǵa baǵyttalǵan sheshim qabyldady.
