UQK qyzmetkerleri týraly telehıkaıa kórermen nazaryna usynylady
ASTANA. QazAqparat - 16 jeltoqsan kúni «Qazaqstan» Ulttyq telearnasynda «Arnaıy ókilder» atty kópserııaly telehıkaıanyń tusaýkeseri ótedi.
«Arnaıy ókilder» - búgingi kúni otandyq arnaıy qyzmetkerlerdiń qalyptasýy jáne kásibı ósýi týraly syr shertetin detektıvti kıno janrynda túsirilgen qazaqstandyq kórkem hıkaıa. Telehıkaıanyń árbir bóliminde jahandyq qaýipsizdik júıesiniń qoldanystaǵy tendentsııalarynyń bıiginen kóringen qazaqstandyq barlaý jáne qarsy barlaý qyzmetkerleriniń obrazdary ámbebap mamandar retinde ashylady.
Árbir serııada QR Ulttyq Qaýipsizdik Komıtetiniń búgingi qyzmetkerleri memlekettik qaýipsizdiktiń halyqaralyq júıesindegi eń zamanaýı úrdistegi biregeı ámbebap mamany retinde beınelenedi. Kórermender 90 jyldary bastaý alyp, UQK organdary qyzmetkerleriniń túrli taǵdyrlarymen qıylysyp, búgingi kúnge ulasqan oqıǵalardyń kýási bolady. Oqıǵanyń ary qaraı qalaı órbıtinin boljaý múmkin emes. Sebebi sıýjet qylmystyq detektıv janrynyń úzdik tájirıbesine qurylyp, oqıǵalar kútpegen jerden ózgerip, shıelenise túsedi. Hıkaıanyń bas keıipkerleri - Qońyrovtar ofıtserler áýletiniń ókilderi. Áýlettiń úlkeni qurmetti demalysqa shyqsa, kenjesi óziniń qyzmettik mansabyna jańadan kirisedi. Atalǵan oqıǵa bir áýletpen shektelip qana qoımaı, sonymen qatar ulttyq qaýipsizdikti qamtamasyz etý isinde qyzmetin adal atqaryp kele jatqan UQK túrli vedomstvolarynyń qyzmetkerleri men áskerı qyzmetkerleri - taldaýshylar men operatıvtik qyzmetkerler, arnaıy qyzmet ókilderi men shekarashylar týraly syr shertedi. Keıipkerler arqyly hıkaıa avtorlary ult taǵdyry otandyq arnaıy qyzmettiń aqyldy, senimdi jáne batyl ókilderiniń qoldarynda bolǵanda halyqaralyq terrorızm qaýip-qateriniń elemizge tónbeıtinin alǵa tartady. Fılm jas urpaqtyń boıynda áskerı-patrıottyq sezimdi tárbıeleýge jáne azamattyq qoǵamnyń qarsy barlaý sanasyn qalyptastyrýǵa baǵyttalǵan.
