UQK QR Bas prokýrorynyń burynǵy birinshi orynbasaryn qamaýǵa aldy
ASTANA. QazAqparat - Ótken demalystarda Ulttyq qaýipsizdik qyzmetkerleri T.Tóleshevtiń birqatar sybaılas jaqtastaryn tutqyndady. Bul týraly búgin QR Bas prokýratýrasynda ótken brıfıngte QR Ulttyq qýipsizdik komıteti baspasóz qyzmetiniń ókili Rýslan Karasev málim etti.
«Ótken demalystarda Ulttyq qaýipsizdik qyzmetkerlerimen Astana, Almaty jáne Shymkent qalalarynda Tóleshevtiń birqatar sybaılas jaqtastary tutqyndaldy. Olardyń qatarynda QR Bas prokýrorynyń burynǵy birinshi orynbasary, QR Konstıtýtsııalyq Keńesiniń burynǵy múshesi, ekinshi synypty Ádilet keńesshisi Іlııas Baqtybaev, Ońtústik Qazaqstan oblysy Іshki ister departamentiniń burynǵy basshysy, general-maıor Hıbratýlla Dosqalıev, Ońtústik Qazaqstan oblysy ІІD bastyǵynyń burynǵy birinshi orynbasary, polıtsııa polkovnıgi Sáken Aıtbekov, QR Qorǵanys mınıstrligi «Ońtústik» aımaqtyq basshylyǵynyń 35748 jáne 55652 áskerı bólimderiniń komandırleri, polkovnıkter Bekzat Jumın jáne Qaırat Pernebaev bar. Atalǵan adamdar tutqyndalyp, ýaqytsha tergeý ızolıatoryna otyrǵyzyldy», - dedi ol.
Qazirgi kezde tergeý amaldary jalǵasýda.
Budan buryn habarlanǵandaı, qamaýǵa alynǵan iri kásipker Toqtar Tóleshev bılikti kúshpen basyp alýǵa daıyndyq jumystaryn júrgizgen.
