UQK qyzmetkerlerin shet memleketterdiń joǵary oqý oryndarynan shyǵarý tártibine ózgerister engizildi
ASTANA.KAZINFORM – UQK tóraǵasynyń 2025 jylǵy 29 qyrkúıektegi buıryǵymen QR ulttyq qaýipsizdik organdarynyń qyzmetkerleri men áskerı qyzmetshilerin áskerı, arnaıy oqý oryndarynan nemese shet memleketterdiń bilim berý uıymdarynan shyǵarý qaǵıdalaryna ózgerister engizildi.
Atap aıtqanda, halyqaralyq kelisimderge sáıkes shet memleketterdiń oqý oryndarynda bilim alyp júrgen qyzmetkerler oqý protsesinen shyǵarylǵan jaǵdaıda, kadr qyzmeti mynandaı sharalardy atqarady:
— kýrsanttar men tyńdaýshylarǵa qatysty qyzmetten bosatý jáne jeke quram qatarynan shyǵarý týraly buıryq rásimdeıdi;
— magıstranttar men doktoranttardy atqaryp otyrǵan qyzmetinen bosatyp, bastapqy joldanǵan bóliminiń bastyǵy qaramaǵyna berý týraly usynysty tıisti kadr bólimshesine joldaıdy;
Shet memleketterdiń bilim berý uıymynan tyńdaýshyny oqý protsesinen shyǵarý týraly buıryq shyqannan keıin, kadr bólimshesi oqý shyǵyndary boıynsha naqty jumsalǵan qarajattyń jıyntyq eseptemesin ázirleıdi.
Sonymen qatar áskerı joǵary oqý oryndarynan nemese shet memleketterdiń bilim berý uıymdarynan shyǵarylǵan jáne shart jasaýdan bast tartqan azamattar, eger olar belgilengen merzimdi áskerı qyzmetti ótemegen bolsa, jergilikti áskerı basqarý organdaryna áskerge shaqyrylýshylar retinde esepke qoıylady jáne zańda belgilengen tártippen áskerı qyzmet ótkeredi.
Áskerı joǵary oqý oryndarynyń kadr bólimsheleri tyńdaýshynyń áskerı oqý ornynan nemese shet memleketterdiń bilim berý uıymynan shyǵarylǵany týraly buıryq shyqqan kúnnen bastap bes jumys kún ishinde UQK Kadrlar departamentine habarlaıdy.
Buıryq 2025 jylǵy 13 qazannan bastap kúshine enedi.
Buǵan deıin Qazaqstanda tegin zań kómegin kórsetý tártibine ózgerister engizilgen edi.