Pavlodarda esirtki zerthanasynan 20 keliden asa «Mefedron» tárkilendi
ASTANA. KAZINFORM – Psıhotroptyq zattardy daıyndaý kezinde Qazaqstan azamaty ustalyp, sot sanktsııasymen qamaýǵa alyndy, dep habarlaıdy UQK baspasóz qyzmeti
Bıyl 18 qańtarda UQK Pavlodar oblysy boıynsha departamenti prokýratýra organdarynyń úılestirýimen jáne ІІM-niń «Búrkit» arnaıy bólimshesin qatystyrýmen Pavlodar qalasynda esirtki zerthanasyn joıý boıynsha operatsııany iske asyrdy.
— Psıhotroptyq zattardy daıyndaý kezinde Qazaqstan azamatyn ustap, sottyń sanktsııasymen qamaýǵa aldy. Tintý barysynda 20 keliden asa «Mefedron» esirtki zaty, sondaı-aq zerthanalyq jabdyqtar men 1,5 tonnadan astam prekýrsorlar tárkilengen. Qylmystyq kodekstiń 297-babynyń 3-bóligi boıynsha sotqa deıingi tergep-tekserý júrgizilýde. Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy, — delingen habarlamada.
Buǵan deıin Pavlodar oblysynda asa iri kólemde esirtki taratý faktileri anyqtalǵan edi.