UQK Qazaqstan-Reseı shekarasynda avtokólik keptelisi tirkelgenin joqqa shyǵardy

Áleýmettik jelilerde jáne messendjerlerde Qazaqstan-Reseı shekarasyndaǵy ótkizý pýnktterinde, sonyń ishinde Atyraý oblysyndaǵy «Qurmanǵazy» ótkizý pýnktinde avtokólik keptelisi oryn alǵany týraly aqparat taralýda.

Bul týraly QazAqparat QR Ulttyq qaýipsizdik komıtetiniń baspasóz qyzmetine silteme jasap habarlaıdy.

Baspasóz qyzmetiniń málimetterine qaraǵanda, shyndyǵynda Qazaqstan-Reseı shekarasynyń kórsetilgen ýchaskesinde avtokólik quraldarynyń keptelisi tirkelmegen.

«Memlekettik shekara arqyly ótkizý pýnktteri shtattyq rejımde jumys istep jatyr, qandaı da bir shekteý sharalary engizilmegen. Tek resmı aqparat kózderine senýge jáne shyndyqqa janaspaıtyn málimetterdi taratpaýǵa shaqyramyz»,-delingen habarlamada.