UQK qarý jasaıtyn tórt jasyryn tsehty joıdy
ASTANA. KAZINFORM – UQK ókilderi arnaıy operatsııa barysynda qarýdyń qaıta aınalymynyń 7 arnasy, satýdyń 7 ishki arnasy jáne ony jasaıtyn jasyryn 4 tsehty joıdy.
Bul týraly QR Ulttyq qaýipsizdik komıtetiniń baspasóz qyzmetinen málim boldy.
Baspaóz qyzmetiniń málimetterine qaraǵanda, 2024 jyly Ulttyq qaýipsizdik komıteti polıtsııa jáne prokýratýra organdarymen birlesip, qarý-jaraqtardy, onyń ishinde «qańtar oqıǵalary» kezinde urlanǵandardy izdeý jáne zańsyz aınalymnan alý boıynsha birqatar jedel-izdestirý is-sharalaryn júrgizdi.
Osy operatsııalar kezinde 58 Kalashnıkov avtomaty, 283 myltyq, 164 tapansha, 115 granata jáne ártúrli kalıbrdegi 15 myńnan astam oq-dári tárkilendi.
Qarýdyń zańsyz aınalymyna qarsy kúres boıynsha is-sharalar jalǵasýda.
UQK polıtsııamen birlesip, asa qaýipti 19 uıymdasqan qylmystyq toptyń áreketin toqtatty.