UQK iz-túzsiz ketken qyzmetkerine qatysty túsinikteme berdi
ASTANA. QazAqparat - Ulttyq qaýipsizdik komıteti iz-túzsiz joǵalǵan Samat Shákeevke qatysty oqıǵaǵa túsinik berdi, dep habarlaıdy QazAqparat.
Budan buryn áleýmettik jelide 21 tamyz kúni joǵalǵan er adamnyń sýreti jarııalanǵan edi. Іz-túzsiz joǵalǵan S.Shakeevtiń faktisi Sotqa deıingi tergeýdiń biryńǵaı tizilimine tirkeldi. Sotqa deıingi tergeý aıasynda Astana qalalyq ІІD-men birlesip istiń mán-jaıyn anyqtaýǵa baǵyttalǵan tergeý áreketteri men jedel-izdestirý is-sharalar kesheni júrgizilýde», - delingen vedomstvonyń habarlamasynda.
Sondaı-aq QR Qylmystyq-protsessýaldyq kodekstiń 201-babyna sáıkes sotqa deıingi tergeýdiń derekteri jarııalanbaıdy. Olar tergeý múddelerine qaıshy kelmeıtin jáne basqa tulǵalardyń quqyqtary men zańdy múddeleriniń buzylýyna baılanysty bolmaǵan jaǵdaıda, prokýrordyń ruqsatymen múmkin dárejede ǵana jarııa etiletindigi aıtyldy.
