UQK halyqaralyq esirtki arnasyn joıdy: 30 kg gashısh tárkilendi
ASTANA. KAZINFORM – Ulttyq qaýipsizdik komıteti Reseı jáne Ózbekstan arnaıy qyzmetterimen birlesip, Aýǵanstannan «Soltústik baǵdar» arqyly esirtki tasymaldaý arnasynyń jolyn kesti, dep habarlaıdy komıtettiń baspasóz qyzmeti.
Operatsııa nátıjesinde Reseı Federatsııasynyń Túmen qalasynda halyqaralyq esirtki tobynyń eki múshesi ustaldy.
Tintý barysynda kúdiktilerden qara naryqtaǵy quny shamamen 300 myń AQSh dollaryn quraýy múmkin 30 kılogramm aýǵan gashıshi tárkilendi.
-Atalǵan fakti boıynsha Reseıdiń quzyretti organdary sotqa deıingi tergep-tekserý júrgizýde. Halyqaralyq esirtkiniń zańsyz aınalymyna qarsy is-sharalar jalǵasyp jatyr,-delingen habarlamada.
Osyǵan deıin Astanada Telegram arqyly esirtki satqan top músheleri sottalǵany týraly jazdyq.
