UQK esirtki jetkizýdiń 3 halyqaralyq jáne 3 aımaqtyq arnasyn joıdy
ASTANA. KAZINFORM – 2025 jyldyń qazanynan QR Ulttyq qaýipsizdik komıteti (UQK) esirtki saýdasynyń jolyn kesýge qatysty 10 operatsııa júrgizdi.
Osy operatsııalardyń nátıjesinde esirtkini jetkizýdiń 3 halyqaralyq jáne 3 aımaqtyq arnasy, sondaı-aq jerasty zerthanasy men esirtki plantatsııasy joıyldy.
Zańsyz aınalymnan 622 kg esirtki, sonyń ishinde psıhotroptyq zattar, gashısh jáne marıhýana tárkilendi.
Atalǵan quqyq buzýshylyqtardy jasady degen kúdikpen sottyń sanktsııasymen 12 Qazaqstan azamaty men 3 sheteldik qamaýǵa alyndy.
Sotqa deıingi tergep-tekserýler júrgizilip jatyr.
Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.
-Ulttyq qaýipsizdik komıteti esirtki, psıhotroptyq zattar men prekýrsorlardyń zańsyz aınalymymen kúres boıynsha jumysty jalǵastyrady,-delingen habarlamada.
Osyǵan deıin UQK-niń Almatyda 5 sheteldik josparlaǵan teraktiniń aldyn alǵany týraly jazdyq.