UQK: eki aıda jemqorlyq isterinen 3,7 mlrd teńge zalal kelgen
ASTANA. KAZINFORM — Bıylǵy shilde-tamyzda UQK SJQQ-da 201 sybaılas jemqorlyq quqyq buzýshylyǵy tirkelgen.
Vedomstvonyń baspasóz qyzmeti málim etkendeı, sybaılas jemqorlyq faktileriniń basym bóligi para alý, tonaý, alaıaqtyq, zańsyzdyq jáne qyzmettik ókilettikterdi asyra paıdalaný sııaqty qylmystarǵa qatysty.
— Qylmystyq ister boıynsha 140 adam kúdikti dep tanyldy. 126 qylmystyq istiń tergeýi aıaqtalyp, onyń 110-y sotqa jiberildi. Anyqtalǵan zalal somasy (aqtalǵan qylmystyq ister boıynsha) 3,7 mlrd teńgeni qurady, — delingen UQK taratqan aqparatta.
Budan buryn Qostanaıda turǵyn úı qurylysyna azamattardan aqsha tartý kezindegi alaıaqtyq týraly qylmystyq is boıynsha sot protsesi aıaqtalǵanyn jazǵan edik.
