UQK-da kadrlardy irikteý qalaı júrgiziledi, qandaı mamandyqtar suranysqa ıe

ASTANA. KAZINFORM — Kadrlyq jumys komıtet úshin strategııalyq basymdyq sanalady. Komıtetke kim kelip, qalaı daıyndalatyny eldiń qaýipsizdigine tikeleı áser etedi. Bul saýalǵa UQK tóraǵasy Ermek Saǵymbaev Kazinform agenttigine eksklıýzıvti suhbatynda jaýap berdi.  

— Qazir bizde eki mamandandyrylǵan joǵary oqý orny jumys isteıdi: UQK akademııasy jáne Shekara akademııasy. Jýyrda osy oqý oryndarynda jas ofıtserlerdiń kezekti túlekteri oqýyn bitirip shyqty.

Bolashaq qyzmetkerlerdi oqytý barysynda biz jańa tehnologııalardy, qoldanbaly ádister men shynaıy praktıkalyq tájirıbelerdi engizip otyrmyz, — dedi UQK tóraǵasy Ermek Saǵymbaev.

UQK-ge qabyldaý qatań tártippen júzege asady.

— Qyzmetke tek Qazaqstan azamattary qabyldanady, olar bilim, fızıkalyq daıyndyq, moraldyq turaqtylyq jáne analıtıkalyq oılaý sııaqty birqatar talaptarǵa saı bolýǵa tıis.

Tsıfrlyq tehnologııalar dáýiri zamanaýı talaptardy kún sanap kúsheıtip otyr. Sondyqtan kıberqaýipsizdik pen aqparattyq qaýipsizdik salasynda ІT, telekommýnıkatsııalar jáne tsıfrlyq analıtıka salasyndaǵy mamandar úlken suranysqa ıe, — dedi ol.