UQK burynǵy qyzmetkeri 10 mln. teńge jymqyrdy dep aıyptalýda
AQTAÝ. QazAqparat - Aqtaý qalalyq sotynda QR UQK Mańǵystaý oblysy departamentiniń burynǵy qyzmetkerine qatysty qylmystyq is qaralyp jatyr, dep habarlaıdy «QazAqparat» HAA tilshisi.
Er adam QR QK 177-baby, 4-bólimi B tarmaǵy, 325-baby, 1, 3 bólimderi (eski redaktsııa) boıynsha aıyptalýda.
«Sotqa deıingi tergeý organy sottalýshy D.-ǵa 2013 jyldan 2015 jylǵa deıingi aralyqta memlekettik fýnktsııalardy atqarýǵa ýákiletti adam bola tura, qyzmet babyn paıdalanyp, aldaý jáne senimge kirý jolymen asa iri kólemde - 9 mıllıon 885 myń 423 teńge somasyna bóten múlikti urlady degen aıyp taǵýda», - dedi Mańǵystaý oblystyq soty baspasóz qyzmetiniń jetekshisi Gaýhar Nurhanova.
Odan bólek, sottalýshyǵa resmı qujattyń kóshirmesin jasap, ony qasaqana qoldandy degen aıyp taǵyldy.
