UQK 18 halyqaralyq jáne 9 aımaqtyq esirtki arnasynyń jolyn kesti
ASTANA. KAZINFORM – Bıylǵy birinshi toqsanda Ulttyq qaýipsizdik komıteti 18 halyqaralyq jáne 9 aımaqtyq esirtki arnasynyń jolyn kesti, dep habarlady vedomstvonyń baspasóz qyzmeti.
Baspasóz qyzmetiniń málimetetrine qaraǵanda, Ulttyq qaýipsizdik komıteti esirtkiniń zańsyz aınalymyna qarsy is-qımyl boıynsha 53 operatsııa júrgizgen, onyń 16-sy shet memleketterdiń múddeli quzyretti organdarymen birlese júrgizilgen.
«Іs-sharalar qorytyndysy boıynsha 18 halyqaralyq jáne 9 aımaqtyq esirtki jetkizý arnasy, sondaı-aq 10 jasyryn esirtki zerthanasynyń qyzmeti joıyldy. Jalpy aınalymnan 800 kg-nan astam esirtki men psıhotroptyq zattar, 4 tonna kóknár sabanynyń shıkizaty jáne sıntetıkalyq esirtki jasaý úshin paıdalanylatyn 10 tonnadan astam hımııalyq reagentter alyndy. Alynǵan esirtki quny «qara naryqta» 5 mlrd teńgeden asa baǵalanady, al aınalymǵa jiberilmegen kólem shamamen 4 mln bir rettik dozany quraıdy»,-delingen habarlamada.
Sondaı-aq onda UQK halyqaralyq esirtki aınalymyna qatysy bar degen kúdik boıynsha 72 Qazaqstan azamaty men sheteldikke qatysty sotqa deıingi tergep tekserýler júrgizilip jatqany aıtalǵan.
