UQK: Belshesinen qaryzǵa batqan T.Tóleshev memlekettiń ákimshilik resýrsyn ıelenýge árekettengen
ASTANA. QazAqparat - Burynǵy bıznesmen Toqtar Tóleshev ekinshi deńgeıli bankter men transultty qylmystyq toptardyń aldynda belshesinen qaryzǵa batqany anyqtaldy. Bul týraly búgin Ulttyq qaýipsizdik komıteti baspasóz qyzmetiniń ókili Rýslan Qarasev málim etti.
«Qolda bar dáıekterge súıensek, T.Tóleshev óziniń qylmystyq tobyn «asyraý» úshin óte kóp qarjy jumsaǵan. Aınalasyna aıtqanyn júrgizip ómir súrýdi armandaǵan T.Tóleshev belshesinen qaryzǵa batqan. Ol QR ekinshi deńgeıli bankteri men transulttyq qylmystyq toptardyń aldynda da qaryz bolǵan. Tóleshevtiń barlyq qaryzyn qossaq 200 mln AQSh dollaryn quraıdy»,-dep habarlady R.Qarasev.
R.Qarasevtiń aıtýynsha, dál osy sátte Tóleshevtiń oıyna bılikti kúshpen basyp alý ıdeıasy keledi. T. Tóleshev osy jospary sátti iske assa, óz baqylaýyna ótetin ákimshilik resýrs arqyly qaryzynan qutylyp, otbasy men bıznesiniń shalqyǵan ómirin qaıtaryp alýdy kózdegen.
«Osylaısha, T. Tóleshevtiń memlekettiń qarjysyn óz qolyma alsam degen oıy bılikti kúshpen basyp alýǵa ıtermelegen»,-dep túsindirdi R.Qarasev.
