UQK basshysy QR Prezıdentiniń atynan qaza bolǵan shekarashylardyń týǵan týystaryna qoldaý kórsetýge ýáde etti. FOTO
ShYMKENT. 30 jeltoqsan. QazAqparat - «Osy qaraly jıynǵa shyǵar aldynda Memleket basshysy Nursultan Nazarbaev maǵan kóńil aıtyp, sizderdiń qaıǵylaryńyzǵa ortaq ekenin jetkizýdi tapsyrǵan. Memleket osy qıyn kezeńde sizderge qoldaý kórsetý úshin barlyǵyn jasaıdy», - dep málimdedi QR UQK tóraǵasy Nurtaı Ábiqaev Shymkenttegi aza tutý rásimi kezinde.
Búgin Shymkentte Ońtústik Qazaqstan oblysynda áýe apatynda qaza bolǵan 16 shekarashyny sońǵy saparǵa shyǵaryp saldy. Qazirgi tańda 27 shekarashynyń 21-iniń jeke basy anyqtaldy. Barlyǵynyń múrdeleri jabyq myrysh tabytqa salynǵan.
Osy ýaqytqa deıin sarapshylar «qara jáshikti» zertteýde. Múrdelerdi taný jalǵasyp jatyr. Áli kúnge deıin alty adamnyń máıiti saraptamada, sonyń ishinde polkovnık Turǵambek Stambekovtiń jubaıy Sáýle de bar.
Eske sala keteıik, áýe apaty 25 jeltoqsan kúni oryn aldy. Ushaq Shymkent áýejaıyna 20 shaqyrymdaı jetpeı qaldy, jerge soǵylǵan soń An-72 órtendi. 27 adam qaza boldy, onyń 20-sy áskerı qyzmetshiler 7-ýi ekıpaj músheleri. Apat sebepterin arnaıy vedomstvoaralyq komıssııa anyqtaýda. UQK tóraǵasy Nurtaı Ábiqaev ushaqtyń aýyr meteojaǵdaıda ushqanyn atap ótken bolatyn.
QR UQK áskerı-kólik ushaǵy apatynda qaza bolǵandardyń tizimi myna jerde
