UQK basshysy QHR mınıstrimen terrorızmge qarsy kúres máselesin talqylady

ASTANA. QazAqparat - 7 sáýirde Qazaqstan Respýblıkasy UQK tóraǵasy Kárim Másimov Qytaı Halyq Respýblıkasynyń Qoǵamdyq qaýipsizdik mınıstri Go Shenkýn kezdesti. Bul týraly QazAqparat QR UQK baspasóz qyzmetine silteme jasaı otyryp habarlaıdy.

Qytaılyq delegatsııa Astana qalasyna ShYU elderi Qaýipsizdik keńesteri hatshylarynyń 12-shi kezdesýine qatysýǵa kelgen.

Taraptar terrorızmge qarsy, transulttyq qylmystyq qaýymdastyq jáne esirtki bıznesimen kúres, sondaı-aq kıber qaýipsizdikti qamtamasyz etý máselelerin talqylady.

ShYU qatysýshy elder arnaýly qyzmetteriniń yntymaqtastyǵyn keńeıtýdiń keıbir aspektileri qarastyryldy. ShYU keńistiginde terrorızm, separatızm jáne ekstremızmniń jolyn kesý salasyndaǵy ózekti máselelerdi sheshý maqsatynda birlesken is-sharalardy nyǵaıtý kelisildi.