UQK: Basshylyq qyzmetke taǵaıyndaý úshin aqsha alatyn adamdar tobyn ustady

NUR-SULTAN. QazAqparat - Ulttyq qaýipsizdik komıteti Nur-Sultan qalasy polıtsııasy, UQK Aqtóbe jáne Qaraǵandy oblystary boıynsha departamentterimen birlesip, asa iri mólsherdegi alaıaqtyqqa kúdikti adamdar tobyn ustady. Bul týraly QazAqparat komıtetke silteme jasap habarlaıdy.

Ózderin memlekettik organ qyzmetkerleri dep tanystyryp, joǵary laýazymdy adamdar atyn jamylǵan teris pıǵyldylar kásipkerge 1,5 mln AQSh dollary somasy úshin ony memlekettik qurylymdardyń birine basshylyq laýazymǵa taǵaıyndaý máselesin sheship berýdi usynǵan.

Olar jalǵa alynǵan «premıým-klass» avtomashınalaryn paıdalanǵan jáne jaldanǵan kúzettiń ilesip júrýimen astananyń elıtalyq oryndarynda kezdesýler ótkizgen.

2022 jylǵy 4 naýryzda Nur-Sultan qalasy 30 mln teńge mólsherinde aqshalaı qarajattyń bir bóligin berý kezinde toptyń úsh múshesi jáne taǵy ekeýi Aqtóbe men Balqash qalalarynda ustaldy.

Sotqa deıingi tergeý júrgizilýde.