UQK Atbasar temirjol stansasy bastyǵynyń ustalǵanyn rastady
ASTANA. KAZINFORM – Atbasar temirjol stansasy bastyǵyna qatysty «Para alý» baby boıynsha sotqa deıingi tergeý amaldary júrgizilip jatyr.
Belgili bolǵandaı, UQK Aqmola oblysy boıynsha departamentiniń qyzmetkerleri Atbasar temirjol stansasynyń bastyǵy Serik Qaınıdenovti ótken aptada ustaǵan.
- UQK atalǵan tulǵaǵa qatysty QR QK 366 baby boıynsha sotqa deıingi tergeý amaldaryn júrgizip jatyr. QR QPK 201-babynyń 1-bólimine sáıkes ózge aqparat jarııalaýǵa jatpaıdy, - delingen QR UQK Kazinform redaktsııasy saýalyna jaýabynda.
Keıbir aqparat quraldary temirjol stansasy bastyǵynyń vokzalǵa kireberis jolǵa ıelik etetin jeke kompanııa basshysynan 6 mln teńge para alyp jatqan jerinde ustalǵanyn habarlady.
Sondaı-aq ustalǵan azamat eshqaıda ketpeý týraly tilhat berip bosatylǵany aıtyldy. Alaıda UQK redaktsııa saýalynda kórsetilgen bul derekterdi rastaǵan joq, joqqa da shyǵarmady.
Buǵan deıin Qazseldenqorǵaý ShQO fılıalynyń basshysy 2,7 mln teńge jymqyrǵanyn jazǵan bolatynbyz.