UQK asa iri kólemde esirtki saýdalaǵan qylmystyq toptyń jolyn kesti
ASTANA. KAZINFORM – Bıylǵy qyrkúıek aıynda QR Ulttyq qaýipsizdik komıtetiniń (UQK) Jambyl oblysy boıynsha departamenti prokýratýra organdarynyń úılestirýimen esirtkini asa iri kólemde tasymaldady jáne satty degen kúdikpen eki esirtki tobynyń áreketiniń jolyn kesti.
Bul týraly QR Ulttyq qaýipsizdik komıtetiniń baspasóz qyzmeti málim etti.
Sonymen, Shý jáne Merki aýdandarynda shamamen 102 kg marıhýana men 3 kg-ǵa jýyq sıntetıkalyq esirtkini ótkizý áreketi kezinde Qazaqstan Respýblıkasynyń 3 azamaty ustalyp, sottyń sanktsııasymen qamaýǵa alyndy.
Qazaqstan Respýblıkasy Qylmystyq kodeksiniń 297-babynyń 3-bóligi boıynsha sotqa deıingi tergep-tekserý júrgizilýde.
Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.
Atyraýda taǵy bir kúdiktiden 200 doza sıntetıkalyq esirtki tárkilengenin habarladyq.
