UQK Almatyda jasyryn esirtki zerthanasyn anyqtap, jolyn kesti
ALMATY. KAZINFORM — Osy jyldyń 8 qarashasynda UQK Almaty qalasy boıynsha departamenti prokýratýra organdarynyń úılestirýimen sıntetıkalyq esirtki óndirisine qatysty jasyryn zerthananyń áreketiniń jolyn kesti.
Psıhotroptyq zatty daıyndaý kezinde Qazaqstan azamaty ustalyp, sot sanktsııasymen qamaýǵa alynǵan.
«Tintý barysynda 7 kg astam daıyn jáne 30 lıtr „mefedron“ suıyq psıhotroptyq zaty, sondaı-aq zerthanalyq jabdyqtar men esirtki daıyndaýǵa arnalǵan prekýrsorlar alyndy.
Bul fakti boıynsha Qylmystyq kodekstiń 297-baby 3-bóligi boıynsha sotqa deıingi tergep-tekserý júrgizilýde», — dep jazdy UQK baspasóz qyzmetinen.
Qylmystyq-protsestik kodekstiń 201-baby 1-bóligine sáıkes ózge aqparat jarııa etýge jatpaıdy.
Aıta keteıik, buǵan deıin Qyzylorda oblysynda esirtki ósirýmen aınalysqan 3 fıtozerthana joıylǵan bolatyn.
