UQK Almatyda 5 sheteldik josparlaǵan teraktiniń aldyn aldy

ASTANA. KAZINFORM - Ulttyq qaýipsizdik komıteti Almaty qalasynda 2025 jyldyń qyrkúıeginde 5 sheteldik azamat josparlaǵan terrorlyq aktisiniń aldyn aldy, dep habarlaıdy komıtettiń baspasóz qyzmeti.

Baspasóz qyzmetiniń málimetterine qaraǵanda, olardyń barlyǵy qamaýǵa alynyp, tergeý júrgizilip jatyr. 

Sonymen qatar, bıyl qyrkúıek pen qazanda terrorızmdi nasıhattady degen kúdikpen qylmystyq ister aıasynda 8 qazaqstandyq qamaýǵa alyndy.

Qylmystyq-protsestik kodekstiń 201-babynyń 1-bóligine sáıkes tergep-tekserý barysy týraly aqparat jarııa etýge jatpaıdy.

Sol kezeńde UQK materıaldary boıynsha 6 adam terrorıstik jáne ekstremıstik qylmystar jasaǵany úshin túrli merzimge bas bostandyǵynan aıyrýǵa sottalǵan.

- Jalpy jyl basynan osyndaı qylmystary úshin 89 adam qylmystyq jaýapqa tartyldy, onyń 6-sy sheteldikter, - delingen UQK baspasóz qyzmeti taratqan aqparatta.