UQK: Almaty oblysynda esirtki óndiretin jasyryn zerthananyń joly kesildi
ASTANA. KAZINFORM — Esirtki zatyn daıyndaý kezinde Qazaqstan azamaty ustalyp, sot sanktsııasymen qamaýǵa alyndy. Bul týraly UQK baspasóz qyzmeti málim etti.
Osy jyldyń qazanynda UQK Almaty oblysy boıynsha departamenti prokýratýra organdarynyń úılestirýimen sıntetıkalyq esirtki óndirisine qatysty jasyryn zerthananyń áreketiniń jolyn kesti.
Esirtki zatyn daıyndaý kezinde Qazaqstan azamaty ustalyp, sot sanktsııasymen qamaýǵa alyndy.
— 5 kelige jýyq daıyn jáne 350 lıtr «a-PVP» suıyq psıhotroptyq zaty, sondaı-aq 800 lıtr prekýrsorlar men esirtki daıyndaýǵa arnalǵan zerthanalyq jabdyq tárkilendi. Qylmystyq kodekstiń 297-baby 3-bóligi boıynsha sotqa deıingi tergep-tekserý júrgizilýde, — delingen komıtet taratqan aqparatta.
UQK baspasóz qyzmeti málim etkendeı, qylmystyq-protsestik kodekstiń 201-baby 1-bóligine sáıkes ózge aqparat jarııa etilmeıdi.
Buǵan deıin habarlaǵanymyzdaı, elimizdiń aımaqtarynda áreket etip júrgen qylmystyq toptardyń 50 múshesi ustaldy.
