UQK Almaty men 7 oblystan 45 atys qarýy men 400-den astam oq-dári tárkiledi
ASTANA. KAZINFORM - Ulttyq qaýipsizdik komıteti qarýdyń, jarylǵysh zattardyń jáne oq-dárilerdiń zańsyz aınalymymen kúresý jónindegi jumysyn jalǵastyrýda, dep habarlaıdy komıtettiń baspasóz qyzmeti.
2025 jyldyń shilde aıynda prokýratýranyń úılestirýimen, UQK ІІM-men birlesip, Almaty qalasynda, Almaty, Aqtóbe, Jambyl, Pavlodar, Atyraý, Mańǵystaý jáne Ulytaý oblystarynda birqatar jedel is-sharalar ótkizildi.
45 atys qarýy, onyń ishinde 6 Kalashnıkov avtomattary, túrli modıfıkatsııadaǵy 18 tapansha, 14 ańshy myltyǵy, 7 sholaq myltyq, sondaı-aq 6 granata, 2 trotıl shashkasy jáne 400-den astam oq-dári tárkilendi.
Sonymen qatar, Aqmola oblysynyń óńirdegi kásiporyndardyń birinde ónerkásiptik jarylǵysh zattardy urlaý arnasy joıyldy. 20 kg jarylǵysh zat tárkilengen.
Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.
Osyǵan deıin UQK-niń jańa qyzmeti bir aıda sybaılas jemqorlyqqa qatysty 17 qylmystyq is qozǵaǵany týraly jazdyq.