11:46, 16 Mamyr 2025 | GMT +5
UQK Aqmola oblysynda jarylǵysh zattardyń zańsyz aınalymyn toqtatty
ASTANA. KAZINFORM — UQK Aqmola oblysy boıynsha departamenti prokýratýra organdarynyń úılestirýmen jarylǵysh zattardyń zańsyz aınalymy arnasynyń jolyn kesti.
Júrgizilgen is-sharalar barysynda 200 kılogramm ammıak selıtrasy (60 kılogramm trotıldik balamasynda), sondaı-aq 200 dana jarylǵysh-kapsýlalary bar detonatsııalyq symdar tabylyp, tárkilendi.
— Aldyn ala málimetke sáıkes, atalǵan zattar zańsyz izdeý áreketinde paıdalanýǵa arnalǵan. Qylmystyq kodekstiń 287-babynyń 4-bóligi boıynsha sotqa deıingi tergep-tekserý júrgizilip jatyr. Qylmystyq-protsestik kodekstiń 201-babynyń 1-bóligine sáıkes ózge aqparat jarııa etilmeıdi, — delingen UQK habarlamasynda.
Osyǵan deıin UQK Shyǵys Azııa elderindegi esirtki kontrabandasynyń arnasyn joıǵanyn jazdyq.