09:45, 04 Naýryz 2025 | GMT +5
UQK Aqmola oblysynda esirtki arnasynyń jolyn kesti
ASTANA. KAZINFORM — 2025 jyldyń aqpanynda UQK Aqmola oblysy boıynsha departamenti prokýratýra organdarynyń úılestirýimen elimizdiń ońtústik óńirlerinen esirtki jetkizý arnasynyń jolyn kesti.

Sot sanktsııasymen Qazaqstannyń eki azamaty qamaýǵa alyndy. Olardan 15 kg «gashısh» esirtki zaty tárkilendi.

Qylmystyq kodekstiń 297-babynyń 3-bóligi boıynsha sotqa deıingi tergep-tekserý júrgizilip jatyr. Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.

Ulttyq qaýipsizdik komıteti Bas prokýratýranyń úılestirýimen Qazaqstannyń ońtústik oblystarynan Astanaǵa esirtki jetkizýdiń óńirlik arnasynyń jolyn kesken edi.