UQK Akademııasy jıyrmasynshy túlekterin shyǵaryp saldy
ASTANA. QazAqparat - Búgin QR UQK Akademııasynda komıtet tóraǵasy Kárim Másimovtiń, ulttyq qaýipsizdik organdary ardagerleri men ata-analardyń qatysýymen kýrsanttardy shyǵaryp salý saltanaty ótti, dep habarlaıdy QazAqparat vedomstvonyń baspasóz qyzmetine silteme jasap.
Bitirýshilerge «ulttyq qaýipsizdik leıtenanty» ofıtserlik ataǵy berildi.
UQK Tóraǵasy K.Másimov jas leıtenanttarǵa:
«Qazaqstan qoǵamyndaǵy kirshiksiz adaldyq jáne sheksiz erlik, joǵary kásibılik, Otan aldyndaǵy paryz jolynda batyl jáne janyn qııýǵa daıyn UQK ofıtseriniń beınesi Sizderdiń qyzmetterińizben baılanysty bolady», - dep, aq jol tiledi.
Kárim Qajymqanuly akademııanyń professorlyq-oqytýshylyq quramyna, sondaı-aq kadrlardy daıyndaýǵa, kópsalaly joǵarǵy oqý ornynyń qalyptasýy men damýyna qatysqan barsha adamdarǵa alǵys bildirdi.
Іs-shara bitirýshilerdiń saltanatty marshymen jáne «Men qazaqpyn» ániniń oryndalýymen aıaqtaldy.
