UQK 35 túrikmen azamatshasynyń QR shekarasynan qalaı ótkendigin túsindirdi
NUR-SULTAN. QazAqparat - QR UQK 35 túrikmen azamatshasynyń Qazaqstan shekarasynan qalaı ótip ketkendigin túsindirdi, dep habarlaıdy QazAqparat osy vedomostvonyń baspasóz qyzmetine silteme jasap.
2020 jylǵy 25 qyrkúıekte «Centralasia.media» (TM) ınternet jańalyqtar portalynda «Qazaqstanda qalyp qoıǵan Túrikmenstan azamatshalary otanyna jasyryn oraldy, - BAQ» degen aqparat jarııalandy. Habarlamada «35 túrikmen áıeli Túrikmenstanǵa jasyryn qaıtqany týraly aıtylady: «Garabogaz» baqylaý-ótkizý pýnktinde Túrikmenstan-Qazaqstan shekarasy arqyly SOVID – 19 pandemııasyna baılanysty Qazaqstanda qalyp qoıǵan Túrikmenstannnyń 35 azamatshasy belgisiz tásilmen ótken. Qazirgi ýaqytta olar Garabogazda (burynǵy Bekdash) aýyldyq aýrýhananyń juqpaly aýrýlar bólimshesinde karantınde jatyr. Alaıda resmı túrde shekara jabyq kúıinde qalyp otyr».
Sonymen qatar maqala avtory UQK Shekara qyzmetine silteme jasaı otyryp, shekara jabyq ekenin jáne ol arqyly eshkimdi ótkizbegenin habarlaǵan, biraq ol shyndyqqa sáıkes kelmeıdi.
UQK baspasóz qyzmeti 2020 jylǵy naýryzdan bastap túrikmen tarapy KVI-ge baılanysty memlekettik shekara arqyly adamdar men kólik quraldaryn ótkizýdi birjaqty tártipte toqtatqanyn, Qazaqstan tarapynan ótkizý pýnkti jabylmaǵanyn resmı túrde habarlaıdy.
QR-daǵy Túrikmenstan konsýldyǵynyń (Aqtaý q.) resmı ótinishine sáıkes 2020 jylǵy 22 qyrkúıekte «Temir baba» ótkizý pýnktinde (10.05-ten 12.00-ge deıin) QR-dan shyǵýǵa Túrikmenstannyń 42 azamaty (12 er adam, 28 áıel, 2 bala) resimdelgen bolatyn.
