UQK 24 qylmystyq toptyń zańsyz áreketine tosqaýyl qoıdy
ASTANA. KAZINFORM — Qazaqstanda jyl basynan beri Ulttyq qaýipsizdik komıteti polıtsııa organdarymen birlesip, prokýratýranyń úılestirýimen 24 qylmystyq toptyń zańsyz áreketiniń jolyn kesti. Bul týraly UQK Baspasóz qyzmeti málim etti.
Operatsııalar barysynda bopsalaý, adam urlaý, qarýdy zańsyz saqtaý jáne basqa da aýyr qylmystarǵa qatysy bar degen kúdikpen 169-dan astam adam, onyń ishinde qylmystyq top jetekshileri ustaldy.
Shekara mańynda, ónerkásip jáne qorshaǵan ortany qorǵaý salalarynda qylmystyq shemalardy uıymdastyrýmen baılanysty zańsyz kiris kózderi anyqtalyp, joıyldy.
Atalǵan faktiler boıynsha sotqa deıingi tergep-tekserýler júrgizilip jatyr.
Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.
Aıta keteıik, buǵan deıin shekarada 645 mln teńgeden astam deklaratsııalanbaǵan valıýta anyqtaldy.
