Úkimettiń jumys toby Mańǵystaý oblysynyń turǵyndarymen kezdesedi

AQTAÝ. QazAqparat – QR Premer-mınıstriniń orynbasary Berdibek Saparbaev bastaǵan Úkimettiń jumys toby 18-19 jeltoqsanda Mańǵystaý oblysyna jumys saparymen barady, dep habarlaıdy QazAqparat.

Jumys tobynyń quramyna Úkimettiń áleýmettik blogynyń basshylary kiredi: bilim jáne ǵylym, densaýlyq saqtaý, eńbek jáne áleýmettik qorǵaý, mádenıet jáne sport, aqparattyq jáne qoǵamdyq damý mınıstrlikteri, sonymen qatar, Qazaqstannyń Kásipodaq federatsııasy, «Atameken» UKP jáne Áleýmettik medıtsınalyq saqtandyrý qory bar.

Jumys tobynyń músheleri Aqtaý men Jańaózen qalalarynda jurtshylyqpen, eńbek ujymdarymen, densaýlyq saqtaý jáne bilim berý salalarynyń mamandarymen, jastarmen kezdesý ótkizip, áleýmettik jáne mádenı oshaqtardy aralaıdy.

Sapardyń negizge maqsaty – Prezıdenttiń Qazaqstan halqyna Joldaýynda kórsetilgen mindetteri aıasynda Úkimettiń qandaı tapsyrmalardy júzege asyryp jatqandyǵynan habardar etý.

Esterińizge sala keteıik, buǵan deıin Úkimettiń jumys toby basqa aımaqtardyń turǵyndarymen kezdesken bolatyn.