Úkimettiń jumys toby Aqtóbedegi oqshaýlaý oryndarynyń daıyndyǵyn tekserdi
AQTÓBE. QazAqparat - Aqtóbe óńirine jumys saparymen kelgen Premer-Mınıstrdiń orynbasary Eraly Toǵjanov aýrýhanalardaǵy jumyspen tanysty, dep habarlaıdy QazAqpara tilshisi oblys ákiminiń baspasóz qyzmetine silteme jasap.
Úkimet delegatsııasynyń músheleri Aqtóbe oblystyq juqpaly klınıkalyq aýrýhanasynda boldy. Oblystyq densaýlyq saqtaý basqarmasynyń basshysy Áset Qalıev Úkimet ókilin koronavırýsqa qatysty qabyldanyp jatqan sharalarmen tanystyrdy.
«Aqtóbe oblysynda jaǵdaı turaqty. 12 naýryzdan bastap QHR, Iran, Ońtústik Koreıa, Italııadan kelgender osy maqsattar úshin jeke bólingen medıtsınalyq mekemege 14 kúnge, Frantsııadan, Germanııadan, Ispanııadan 14 kúndik úı karantınine oqshaýlanady», - dedi Áset Qalıev.
Óńirde birneshe aýrýhana ishi arnaıy jasaqtaldy. Mekeme qajetti dári-dármektermen qamtamasyz etilip, medıtsına qyzmetkerleri arnaıy biliktigigin arttyrdy. Dári - dármek qory quryldy, dárigerler jeke qorǵanys quraldarymen qamtamasyz etildi.
Sondaı-aq, bólshek dárihana jelisinde betperde jetispeýshiligi problemalary bar. «Farm» TK kún saıyn 4 myń maska shyǵarady. Shıkizattyń baǵasy qymbattaýyna baılanysty 30 teńge turatyn maska endi 80-100 teńgeden satylady.
Premer-Mınıstrdiń orynbasary Eraly Toǵjanov klınıkalyq aýrýha ishin aralap, jaǵdaımen tolyq tanysty. Oblys basshysyna jaǵdaıdy qalypty ustap, turǵyndar arasynda túsindirý sharalaryn kúsheıtýdi tapsyrdy.
