11:38, 10 Shilde 2021 | GMT +6
Úkimettiń keńeıtilgen otyrysy: Smartfon arqyly alatyn qyzmet túrleri 3 esege artady
NUR-SULTAN. QazAqparat – Azamattar smartfon arqyly alatyn qyzmet túrleri 3 esege artady. Bul týraly QR Premer-Mınıstri Asqar Mamın aıtty, dep habarlaıdy QazAqparat tilshisi.
«Úkimet ekonomıkany sapaly tsıfrlandyrý boıynsha keshendi jumys júrgizip jatyr. Internet trafıgi 2020 jyly 6 800 petabaıt bolsa, esepti kezeńde 132 paıyzǵa artyp, 15 800 petabaıtqa deıin ósedi. Azamattar smartfon arqyly alatyn qyzmet túrleri 3 esege ósip, 150 qyzmetti quraıtyn bolady», - dedi Premer-Mınıstr Úkimettiń keńeıtilgen otyrysynda.
Onyń atap ótýinshe, jyl sońyna deıin áleýmettik qyzmetterdiń 100 paıyzy proaktıvti formatta beriletin bolady.
«Josparlanǵan is-sharalardy iske asyrý nátıjesinde bıyl qyzmetterdiń sapasyna qanaǵattaný deńgeıi 80 paıyzǵa deıin ulǵaıtylady. Naryqta 150 jańa startaptar jumys isteıtin bolady. Data-ortalyqtardy damytýǵa 88 mlrd teńge ınvestıtsııalanady», - dedi Asqar Mamın.
