Úkimettiń qaýlysymen shetel azamattarynyń QR-da bolýyn quqyqtyq retteý máseleleri týraly qaýlyǵa ózgertýler engizildi
ASTANA. Maýsymnyń 15-i. QazAqparat - Búgin resmı BAQ-da Qazaqstan Respýblıkasy Úkimetiniń shetel azamattarynyń Qazaqstan Respýblıkasynda bolýyn quqyqtyq retteý máseleleri týraly 2000 jylǵy qańtardyń 28-indegi №36 qaýlysyna ózgeris engizetin 2010 jylǵy sáýirdiń 14-indegi №307 qaýlysy jarııalandy.
***
Qazaqstan Respýblıkasy Úkimetiniń qaýlysy
Qazaqstan Respýblıkasy Úkimetiniń 2000 jylǵy qańtardyń 28-indegi №136 qaýlysyna ózgertýler engizý týraly
Qazaqstan Respýblıkasynyń Úkimeti QAÝLY ETEDІ:
1. Qazaqstan Respýblıkasy Úkimetiniń 2000 jylǵy qańtardyń 28-sindegi «Qazaqstan Respýblıkasynda sheteldik azamattardyń bolýyn quqyqtyq retteýdiń keıbir máseleleri» №136 qaýlysyna (QR ÚQAJ, 2000 j., №4, 55-bap) mynadaı ózgertýler engizilsin:
Sheteldik azamattardyń Qazaqstan Respýblıkasyna kelýi jáne bolýy, sondaı-aq olardyń Qazaqstan Respýblıkasynan shyǵýy týraly kórsetilgen qaýlyda bekitilgen erejelerde:
ekinshi abzatstyń 15-tarmaǵyndaǵy «toqsan táýlik, odan ári osyndaı merzimge ózgertilýi múmkin» degen sózder «otyz táýlik, Keden oaǵy elderi azamattary úshin toqsan táýlik, odan ári osyndaı merzimge uzartylýy múmkin», degen sózdermen aýystyrylsyn.
2. Qazaqstan Respýblıkasynyń syrtqy ister mınıstrlgine belgilengen tártippen dıplomatııalyq arnalar arqyly sheteldik memleketterdiń quzyrly organdaryna qabyldanǵan shralar týraly habardar etý júktelsin.
3. Osy qaýly alǵashqy resmı jarııalanǵan kúnnen tórt kúntizbelik kún ótken soń kúshine engiziledi.
Qazaqstan Respýblıkasynyń Premer-Mınıstri K.MÁSІMOV
