Úkimettiń ekonomıkany turaqtandyrý sharalaryna qatysty qaýlysyna ózgeris engizildi
«Ekonomıkany turaqtandyrý jónindegi odan arǵy sharalar týraly» Qazaqstan Respýblıkasy Prezıdentiniń 2020 jylǵy 16 naýryzdaǵy № 287 Jarlyǵyn iske asyrý jónindegi sharalar týraly» Qazaqstan Respýblıkasy Úkimetiniń 2020 jylǵy 20 naýryzdaǵy № 126 qaýlysyna ózgeris engizý týraly Qazaqstan Respýblıkasynyń Úkimeti QAÝLY ETEDІ:
1. «Ekonomıkany turaqtandyrý jónindegi odan arǵy sharalar týraly» Qazaqstan Respýblıkasy Prezıdentiniń 2020 jylǵy 16 naýryzdaǵy № 287 Jarlyǵyn iske asyrý jónindegi sharalar týraly» Qazaqstan Respýblıkasy Úkimetiniń 2020 jylǵy 20 naýryzdaǵy № 126 qaýlysyna (2020 jylǵy 21 naýryzda № 56 «Egemen Qazaqstan» gazetinde jarııalanǵan) mynadaı ózgeris engizilsin:
6-tarmaq mynadaı redaktsııada jazylsyn:
«6. Osy qaýly qol qoıylǵan kúninen bastap qoldanysqa engiziledi jáne 2020 jylǵy 31 jeltoqsandy qosa alǵanǵa deıin qoldanylady jáne resmı jarııalanýǵa tıis.».
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri A. Mamın
Aıta keteıik, Qazaqstan Respýblıkasy Úkimetiniń 2020 jylǵy 20 naýryzdaǵy №126 Qaýlysy respýblıkalyq bıýdjetti qalyptastyrýdyń, naqtylaýdyń jáne atqarýdyń erekshe tártibi bekitýdi qarastyrady.
Sonymen qatar, 2020 jylǵy 31 jeltoqsandy qosa alǵandaǵy kezeńde:
iri saýda obektileri, saýda-oıyn-saýyq ortalyqtary, kınozaldar, teatrlar, kórmeler men dene shynyqtyrý-saýyqtyrý jáne sport ǵımarattary boıynsha zańdy tulǵalar men dara kásipkerlerdiń múlik salyǵynyń;
aýyl sharýashylyǵy ónimin óndirýshilerdiń aýyl sharýashylyǵy maqsatyndaǵy jerleri boıynsha jer salyǵynyń;
salyq salýdyń jalpy belgilengen tártibimen jumys isteıtin dara kásipkerlerdiń jeke tabys salyǵynyń mólsherlemelerine «0» túzetý koeffıtsıentin engizý sııaqty ózge de birqatar máselelerdi qarastyrady.
