Úkimettiń ekonomıkalyq saıasatynyń negizgi dińgegi - áleýmettik mindetterdi oryndaý - K.Másimov
ASTANA. 20 qańtar. QazAqparat /Rýslan Ǵabbasov/ - Úkimettiń ekonomıkalyq saıasatynyń negizgi dińgegi - áleýmettik mindetterdi oryndaý.
Bul týraly búgin Májilis Úkimetke senim bildirgennen keıingi sózinde Premer-Mınıstr Kárim Másimov málim etti.
Premer-Mınıstr Májilistiń Úkimetke senim bildirgenine úlken jaýapkershilikpen qaraıtynyn aıta kele, «Biz bolashaqta da depýtattar usynystaryn eskeretin bolamyz. Elbasy aldymyzǵa mańyzdy ári jaýapty maqsat-mindetterdi júktedi. Biz ony oryndaýǵa mindettimiz», - dedi.
«Úkimettiń ekonomıkalyq saıasatynyń negizgi dińgegi - áleýmettik mindetterdi oryndaýǵa baǵyttalǵan. Damyǵan ekonomıka - ol birinshi kezekte el azamattary, olardyń tabysy men jumysy, sondaı-aq el adamdarynyń jańa múmkindikteri men balalardyń bolashaǵy», - dedi K. Másimov.
Osy oraıda Premer-Mınıstr Úkimet bul baǵytta tyńǵylyqty jumys atqaratynyn atap ótti.
