Úkimettiń ekonomıkalyq blogy BJZQ qarjysy salymdaryn barynsha sekıýrıtteý úshin jumys isteıdi
ASTANA. QazAqparat - QR Úkimetiniń ekonomıkalyq blogy BJZQ qarjysy salymyn barynsha sekıýrıtteý úshin jumys isteıdi. Bul týraly búgin tilshilerge QR Ulttyq ekonomıka mınıstri Erbolat Dosaev málim etti.
«BJZQ qarjysyn paıdalaný baǵytyna toqtalatyn bolsaq, bizdiń oıymyzsha, portfel ártaraptandyrylǵan bolýy kerek. Bizdiń aıtqan qarjy kóleminiń bir bóligi bıýdjet tapshylyǵyn qarjylandyrý úshin paıdalanylady. Memlekettik qundy qaǵazdar shyǵarylyp, olar naryqtyq jaǵdaılarǵa sáıkes bolady»,-dedi E. Dosaev.
Mınıstrdiń sózine qaraǵanda, sharttalǵan nesıeler shaǵyn jáne orta bıznesti qarjylandyrýǵa baǵyttalady.
E. Dosaevtyń aıtýynsha, BJZQ qarjysy bankter arasynda olardyń jaǵdaıyna jáne Ulttyq banktiń talaptaryn eskere otyryp bólinedi.
Sonymen qatar BJZQ qarjysynyń saqtalýy men qaıtarylýynyń kepildigine toqtalsaq, osy oraıda Qarjy mınıstrligi, Ulttyq ekonomıka mınıstrligi jáne Ulttyq bank birlese otyryp salymdardy barynsha sekıýrıtteýge jumys isteıtin bolady.
Munymen qosa, mınıstr Úkimet 2016 jylǵa eldiń áleýmettik-ekonomıkalyq damýynyń jańa boljamyn bekitkenin atap ótti. Esepteý baǵamy 300-den 360 teńgege deıin ózgertildi. JІÓ ósiminiń boljamy 2,1 paıyzdan 0,5 paıyzǵa deıin tómendetildi. Al ınflıatsııa deńgeıi burynǵy 6-8 paıyzdyq dálizde saqtalyp otyr.
