Úkimettiń árbir múshesi aıtylǵan maqsat-mindetterge jaýapty bolady - Elbasy
Prezıdenttiń aıtýynsha, "Nur Otan" partııasynyń jańa baǵdarlamasynda naqty maqsat-mindetter aıqyndalǵan. Sonyń negizinde aldaǵy úsh jyldyń memlekettik-áleýmettik saıasaty júrgiziledi. "Úkimettiń jańa quramy jáne barlyq ákimder atalǵan maqsat-mindetterdi oryndaýǵa shuǵyl kirisýleri kerek. Osy aıtylǵan máseleleri bárimiz qolǵa alyp, men bolyp, Úkimet bolyp, partııa músheleri bolyp, aımaqtaǵy partııanyń uıymdary bolyp, atsalysýymyz qajet. Bul ońaı jumys emes, árıne. Barlyǵyn uıymdastyrý qajet", - dedi N.Nazarbaev "Nur Otan" partııasynyń XVIII sezinde.
Prezıdenttiń aıtýynsha, Úkimettiń árbir múshesi jáne ákimder jańa baǵdarlamada kórsetilgen ekonomıkalyq maqsat-mindetterdiń oryndalýyna jaýapty bolady. Árqaısysynyń jeke jaýapkershiligi bolady. "Ol úshin Prezıdent apparatynda arnaıy baqylaý komıteti qurylady", - dep atap kórsetti N.Nazarbaev.
Aıta keteıik, búgin Memleket basshysy Nursultan Nazarbaev kópbalaly otbasylarda árbir balanyń tólemaqysyn 21 myń teńgege deıin arttyrýdy tapsyrdy. Budan bólek, múgedek balalardy asyrap otyrǵan otbasylardyń járdemaqysy 30 protsentke ósedi. Ákimdik qyzmetkerleriniń jalaqysy da kóteriledi. Prezıdenttiń "Nur Otan" partııasynyń XVIII sezinde sóılegen sózin myna jerden oqýǵa bolady.
