Úkimettiń 2022 jylǵa arnalǵan zań jobalaý jumys jospary maquldandy
NUR-SULTAN. QazAqparat - Úkimettiń 2022 jylǵa arnalǵan zań jobalaý jumystary josparynyń jobasy maquldandy, dep habarlaıdy QazAqparat tilshisi.
«Úkimettiń 2022 jylǵa arnalǵan zań jobalaý jumystary josparynyń jobasynda 31 zań jobasyn ázirlep, Parlamentke engizý kózdeledi. 2022 jyldyń birinshi jarty jyldyǵynda Parlamentke - 11 zań jobasyn, al ekinshi jarty jyldyqta 20 zań jobasyn engizý josparlanyp otyr. 2022 jylǵa arnalǵan jospardyń jobasynda 1 kodeks pen 5 jańa zań ázirleý kózdelgen», - dedi Úkimet otyrysynda QR Premer-Mınıstri Asqar Mamın.
Úkimet basshysy olardyń arasynda qoǵamdyq qatynastardy retteıtin úsh jańa zań jobasy bar ekendigin atap ótti.
«Bul - tutynýshylardyń quqyqtaryn qamtamasyz etý jáne jylý energetıkasy máseleleri jónindegi zań jobalary men Áleýmettik kodekstiń jobasy. Jalpy Úkimettiń 2022 jylǵa arnalǵan zań jobalaý jumystary josparynyń jobasyn maquldaýdy usynamyn. Bul rette memlekettik organdardyń birinshi basshylary zań jobalarynyń sapasyn jáne Parlamentke ýaqtyly engizilýin qamtamasyz etsin», - dedi Úkimet basshysy.
