Úkimettiń 2011 jyly júrgizetin ekonomıkalyq saıasaty eń aldymen Qazaqstan ekonomıkasynyń básekege qabilettiligin arttyrýǵa baǵyttalady

Málimdemede atap kórsetilgenindeı, ekonomıkalyq saıasat ekinshiden - Indýstrııalyq-ınnovatsııalyq damý jónindegi memlekettik baǵdarlama sheńberinde ekonomıkany ártaraptandyrýǵa baǵyttalǵan baǵdarlamalardy iske asyrýǵa; úshinshiden jumyspen qamtýdyń turaqtylyǵyn jáne halyq tabysynyń ósýin qamtamasyz etýge; tórtinshiden - bilim berýdi, densaýlyq saqtaýdy jáne tilderdi damytýdy qosa alǵanda, adamı kapıtaldy damytýdyń memlekettik baǵdarlamalaryn iske asyrýǵa baǵyttalatyn bolady.

«Bıznes-ahýaldy jaqsartý maqsatynda ortalyq deńgeıde, sondaı-aq óńirlik deńgeıde ákimshilik kedergilerdi azaıtý jáne ruqsat berý júıesin ońtaılandyrý jumysy jalǵasatyn bolady», delingen málimdemede.

2011 jyly Qazaqstannyń ekonomıkalyq múddelerin ázirleý jáne jyljytý ári KO men BEK sheńberinde ashylatyn jańa múmkindikterdi paıdalaný maqsatynda bıznes qoǵamdastyqpen belsendi birlesken jumys jalǵasatyn bolady. Jahandyq saýda-ekonomıkalyq júıege odan ári yqpaldasý maqsatynda sytqy ekonomıkalyq saıasatta basym maqsattardyń biri KO boıynsha áriptes eldermen tyǵyz úılestire otyryp, DSU-ǵa Qazaqstannyń kirýi úderisin jyldamdatý bolyp tabylady.

2011 jyly ÚIIDMB-ny iske asyrý sheńberinde ekonomıkanyń qaıta óńdeý sektorlaryna jáne eldiń ınfraqurylymyn damytýǵa ishki jáne syrtqy ınvestıtsııalyq resýrstary barynsha jandandyrylatyn bolady, Indýstrııalandyrý kartasy sheńberinde jańa ındýstrııalyq jáne ınnovatsııalyq jobalar qosymsha iske qosylatyn bolady.

Ekonomıka salalaryndaǵy ónimdilikti arttyrýǵa yntalandyrý úshin jumys istep turǵan kásiporyndardy aýqymdy jańǵyrtý boıynsha «Ónimdilik 2020» baǵdarlamasy qabyldanatyn bolady.

Sonymen qatar málimdemede aıtylǵan basymdyqtarǵa sáıkes, ınvestorlar úshin ekonomıkanyń shıkizattyq emes salalarynda qosymsha yntalandyrý sharalary, sonyń ishinde arnaıy ekonomıkalyq aımaqtar esebinen de jasalatyn bolady.

Al kásipkerlikti, sonyń ishinde shaǵyn jáne orta bıznesti damytýdy qoldaý úshin Bıznestiń jol kartasy 2020-ny júzege asyrý tórt, atap aıtqanda - bıznes-bastamalardy qoldaý, kásipkerlik sektordy saýyqtyrý, kásipkerlerdiń valıýtalyq táýekelderin tómendetý jáne kásipkerlik áleýetti kúsheıtý baǵyttary boıynsha jalǵasatyn bolady.

Munaılyq emes tapshylyqty qysqartý, Ulttyq qor aktıvterin arttyrý jáne bıýdjet qarajatyn tıimdi paıdalaný arqyly teńgerimdi bıýdjetti qamtamasyz etý fıskaldyq saıasatty iske asyrý barysynda basym mindetter bolyp tabylady.

Málimdemede aıtylǵanyndaı, Úkimet halyqtyń ál-aýqatyn arttyrý jáne halyqtyń áleýmettik osal toptaryn qoldaý jónindegi sharalardy qabyldaýdy jalǵastyrady. 2011 jyly bıýdjet salasynda jalaqyny jáne áleýmettik shyǵystardy ósirý kózdelgen.

«Іshki naryqta birinshi kezekte áleýmettik mańyzy bar azyq-túlik taýarlaryna baǵa belgileýdi retteý jáne baǵa turaqtylyǵyn qamtamasyz etý 2011 jylǵy ekonomıkalyq saıasattyń negizgi basymdyqtarynyń biri bolady. Bul úshin Úkimet jáne jergilikti atqarýshy organdar tarapynan kóterme (kommýnaldyq) azyq-túlik bazarlaryn jáne saýda ınfraqurylymyn damytý, ishki naryqty otandyq ónimmen molyqtyrý, tabıǵı monopolııa sýbektileriniń qyzmetine baǵa belgileýdi retteý jumystary jalǵastyrylady», delingen málimdemede.

Budan basqa, básekelestikti qorǵaý, josyqsyz básekeni anyqtaý men onyń jolyn kesý, baǵa jóninde mámile jasasý, naryq sýbektileriniń óziniń ústem jaǵdaıyn teris paıdalaný, alypsatarlyq baǵanyń ósýi, ónim óndirýshi men túpki tutynýshylar arasyndaǵy aralyq býyndardy qysqartý jumystary kúsheıtiledi.

2011 jyly baǵa turaqtylyǵyn jáne jyldyq ınflıatsııa deńgeıin 6 - 8 % aralyǵynda ustap turýdy qamtamasyz etý Ulttyq Banktiń aqsha-kredıt saıasatynyń basym baǵyty bolady.

Qazaqstan eksportynyń negizgi taýarlaryna qolaıly álemdik baǵa konıýnktýrasy jáne ulttyq valıýtanyń turaqtylyǵy jaǵdaıynda Ulttyq Bank valıýta baǵamynyń basqarylatyn qubylmaly rejımine kóshýdi josparlap otyr.

Qazaqstannyń qarjy júıesiniń damýy salasyndaǵy saıasat qarjy sektorynyń turaqtylyǵyn, ashyqtyǵy men tıimdiligin qamtamasyz etýge baǵyttalady.

Tutastaı alǵanda, eldiń qarjy sektorynyń damýy Qazaqstan Respýblıkasynyń qarjy sektoryn daǵdarystan keıingi kezeńde damytý tujyrymdamasyna sáıkes iske asyrylady.

Osylaısha, 2011 jyly Úkimet, Ulttyq Bank jáne QNRA júrgizetin ekonomıkalyq saıasat JІÓ-niń 4-5 % naqty ósýin, ınflıatsııany 6-8 % deńgeıde ustap turýdy qamtamasyz etýge múmkindik beredi.