Úkimettik jumys toby SQO turǵyndarymen kezdesti
Úkimettik jumys tobynyń quramynda QR Eńbek jáne halyqty áleýmettik qorǵaý mınıstri B. Saparbaev, Bilim jáne ǵylym mınıstri K. Shámshıdınova, Densaýlyq saqtaý mınıstri E. Birtanov, Qurylys jáne turǵyn úı-kommýnaldyq sharýashylyq isteri komıtetiniń tóraǵasy M. Jaıymbetov bar.
Óńirge sapardyń maqsaty - Elbasynyń jańa áleýmettik sharalarynyń negizgi baǵyttaryn túsindirý.
Kelgen boıda Úkimet delegatsııasy Oqýshylar saraıynda kópbalaly analarmen, az qamtylǵan otbasylarmen, eńbek ardagerlerimen, múmkindigi shekteýli jandarmen, muǵalimdermen, dárigerlermen jáne jalpy qoǵam ókilderimen kezdesti.
Halyq aldynda sóılegen sózinde QR Vıtse-premeri jańa áleýmettik saıasattyń basymdyqtary týraly egjeı-tegjeıli aıtyp berdi. Búginde memleket halyqtyń turmys deńgeıin kóterý úshin barlyq qajetti sharalardy qabyldap jatyr. Basty maqsat - adamdardy jumysqa ornalastyrý. Sondaı-aq, ol halyqtyń áleýmettik osal toptaryna jan-jaqty qoldaý kórsetiletinin atap ótti.
Jumys tobynyń músheleri halyqty áleýmettik qorǵaý, turǵyn úı máselelerin sheshý, bilim berý men densaýlyq saqtaý júıelerin damytý salasynda júrgizilip jatqan sharalar týraly aıtyp berip, oblys turǵyndarynyń suraqtaryna jaýap berdi.
Budan ári, QR Premer-Mınıstriniń orynbasary G. Ábdiqalyqova QR eńbek jáne halyqty áleýmettik qorǵaý mınıstri B. Saparbaevpen, oblys ákimi Q. Aqsaqalovpen «S. M. Kırov atyndaǵy zaýyt» AQ bazasynda qala, aýdandar ákimderimen, ónerkásiptik kásiporyndardyń, bıznes qurylymdardyń, kásipodaqtyq uıymdardyń basshylarymen kezdesý ótkizdi. Áleýmettik áriptestiktiń damýyn jáne bıznestiń áleýmettik jaýapkershiligin ilgeriletý máselelerin qarastyrǵannan keıin Gúlshara Ábdiqalyqova kásiporyndardyń dırektorlary men kompanııalardyń basshylaryn jalaqyny kóterip, turǵyn úı máselelerin sheship, áleýmettik paketterdi keńeıtý arqyly ózderiniń tabysy tómen jumysshylaryna naqty kómek kórsetýge shaqyrdy.
Jumys saparynyń sońynda QR Vıtse-premeri eńbek jáne halyqty áleýmettik qorǵaý, bilim jáne ǵylym mınıstrlerimen birlese otyryp, 2017-2021 jyldarǵa arnalǵan «Eńbek» Ónimdi jumyspen qamtýdy jáne jappaı kásipkerlikti damytýdyń memlekettik baǵdarlamasy men «Serpin-2050» - «Máńgilik el jastary - ındýstrııaǵa» baǵdarlamasy aıasynda eńbek resýrstarynyń jumylǵyshtyǵyn arttyrý barysy týraly keńes ótkizdi. Oǵan beıne-konferentsııa baılanysy arqyly múddeli ortalyq jáne jergilikti atqarýshy organdardyń, bilim berý mekemeleriniń ókilderi, sondaı-aq baǵdarlama qatysýshylary qatysty. Jobalardy iske asyrýdyń ózekti máseleleri talqylanyp, baǵdarlamalar qatysýshylarynyń pikirleri tyńdaldy.
Búgingi tańda Soltústik Qazaqstan oblysynda «Serpin-2050» baǵdarlamasy boıynsha 1411 stýdent bilim alyp jatyr, al «Eńbek» memlekettik baǵdarlamasy aıasynda 43 túlek óńirlik kvotaǵa ilikken. Kvota quramyna kiretinderdiń barlyǵyna jalpy 10,9 mln teńge kóleminde memlekettik qoldaý kórsetildi, onyń ishinde kóshirýge sýbsıdııalar tóleý túrinde - 3,6 mln teńge jáne turǵyn úıdi jaldaý nemese satyp alý shyǵyndaryn óteýge sýbsıdııalar - 7,6 mln teńge.
Keńes qorytyndysy boıynsha JOO-lar men kásiporyndar arasynda memorandýmdar jasasý arqyly túlekterdi jumysqa ornalastyrý máseleleri boıynsha tyǵyz ózara is-qımyldyń bolý qajettiligi atap ótildi. Naryq talaptaryna sáıkes suranysqa ıe kadrlardy daıarlaýǵa jáne oqý orny boıynsha túlekterdi jumysqa ornalastyrý máselelerine erekshe nazar aýdaryldy.
Jumys tobynyń basqa músheleri oblystyń aýdandaryna bardy. QR densaýlyq saqtaý mınıstri E. Birtanov Aqqaıyń aýdanyna, Qurylys jáne turǵyn úı-kommýnaldyq sharýashylyq isteri komıtetiniń tóraǵasy M. Jaıymbetov Petropavl qalasynyń qurylys nysandaryna bardy. Olar emdeý-profılaktıka mekemelerin, sondaı-aq, qurylys jáne turǵyn úı-kommýnaldyq sharýashylyq nysandaryn aralady.
Úkimet músheleriniń jumys sapary Shyǵys Qazaqstan oblysynda jalǵasady.
