Úkimettik jumys toby ShQO-da aýrýhanalardy aralap, turǵyndarmen kezdesti
Onyń quramynda eńbek jáne halyqty áleýmettik qorǵaý mınıstri Berdibek Saparbaev, Bilim jáne ǵylym mınıstri Kúlásh Shámshıdınova, Densaýlyq saqtaý mınıstri Eljan Birtanov, Qurylys jáne turǵyn úı-kommýnaldyq sharýashylyq komıtetiniń tóraǵasy Marhabat Jaıymbetov bar.
Úkimettik delegatsııanyń jumys sapary Semeı qalasyndaǵy jedel medıtsınalyq járdem aýrýhanasyn aralaýdan bastaldy. Aýrýhana «100 aýrýhana, 100 mektep» baǵdarlamasy boıynsha salynǵan jáne 325 tósek-orynǵa shaqtalǵan. Munda jaqynda zamanaýı jabdyqtar keshenimen jaraqtalǵan Polıtravma jáne ortopedııa ortalyǵy ashyldy. Mamyr aıynda elimizdegi alǵashqy neırohırýrgııaǵa arnalǵan gıbrıdti ota jasaý bólmesi ashylady dep josparlanyp otyr. 3 jyl ishinde 18,8 mlrd teńge ınvestıtsııa salyndy, bul joǵary tehnologııaly jabdyqtar kólemin 2,5 esege arttyrýǵa múmkindik berdi.
Odan soń QR Premer-Mınıstriniń orynbasary jáne eńbek jáne halyqty áleýmettik qorǵaý mınıstri Halyqqa qyzmet kórsetý ortalyǵynyń jumysyn tekserdi. Olar elektrondy formatta memlekettik qyzmetterdiń kórsetilý boıynsha bıznes-protsesterdi qarastyrdy.
Semeı qalasyndaǵy basty shara jumys toby músheleriniń kóp balaly analarmen, az qamtylǵan otbasylarmen, eńbek ardagerlerimen, muǵalimdermen, dárigerlermen, jurtshylyq ókilderimen kezdesýi boldy. Kezdesýde G. Ábdiqalyqova Qazaqstannyń jańa damý kezeńine aıaq basqanyn atap ótti. Búginde jańa áleýmettik saıasat júzege asyrylyp jatyr, onyń basty maqsaty halyqtyń ál-aýqatyn kóterý bolyp tabylady. Ol úshin qoǵamnyń árbir múshesi el damýyna óziniń úlesin qosýy tıis.
Úkimettik delegatsııa múshelerine halyqty áleýmettik qorǵaý, bilim berý, densaýlyq saqtaý, turǵyn úı saıasaty salalaryndaǵy jańashyldyqtar tanystyryldy.
Qala turǵyndarymen kezdesý aıaqtalǵan soń QR Premer-Mınıstriniń orynbasary G. Ábdiqalyqova azamattardy jeke qabyldap, kóp balaly otbasylarǵa bardy. Atap aıtqanda, 14 balany tárbıelep otyrǵan Olga Kandybanyń otbasynda boldy. Kóp balaly otbasy memleketke 7 jer telimin usynǵany jáne «Gazel» markaly avtokólik syılaǵany úshin alǵystaryn jetkizdi. Sonymen qatar ol 8 balany tárbıelep otyrǵan Indıra Otarbaevnyń otbasyna bardy. Bul otbasy «Óken» JShS quryltaıshysyna syılaǵan jańa jeke úıi úshin sheksiz alǵystaryn bildirdi.
Tústen keıin jumys sapary Óskemen qalasynda jalǵasty.
Alǵashqy shara Robottandyrylǵan hırýrgııa ortalyǵyn aralaý boldy. Ortalyq dárigerleri myńnan astam ota jasaǵan (200 operatsıı na angıografada 200 ota, 800 ýrologııalyq jáne robotta 123 ota). Bul klınıka bazasynda Transplantologııa ortalyǵy ashylǵan, búırek almastyrý boıynsha sátti otalar jasalǵan.
Vıtse-Premer jumys tobynyń múshelerimen birge D. Serikbaev atyndaǵy Shyǵys Qazaqstan memlekettik tehnıkalyq ýnıversıtetinde oblys jurtshylyǵymen kezdesý ótkizdi. Oǵan kóp balaly analar, az qamtylǵan otbasylar, eńbek ardagerleri, muǵalimder, dárigerler, jurtshylyq ókilderi shaqyryldy.
Kezdesýde halyqtyń tómen jalaqy alatyn sanattarynyń tabysyn arttyrý, halyqty áleýmettik qoldaýdyń jańa sharalary, bilim berý men densaýlyq saqtaýdy odan ári damytý, turǵyn úımen qamtý tetikteri boıynsha jan-jaqty túsindirildi. Úkimettik delegatsııa músheleri qatysýshylardan kelip túsken ózekti suraqtarǵa jaýap berdi.
G. Ábdiqalyqova budan ári kópbalaly otbasylardyń úılerine bardy. Búginde oblysta bıznestiń áleýmettik jaýapkershiligi aıasynda mundaı otbasylarǵa júıeli kómek kórsetiledi. Máselen, kópbalaly áke Nurlan Jetpiske «VK Tehnogrýpp» JShS eki bólmeli páter syılasa, 12 bala ósirip otyrǵan Evgenııa Cherkashınaǵa qosalqy sharýashylyqty júrgizý úshin demeýshilik kómek kórsetildi, turǵyn úıin jóndeý úshin qurylys materıaldary berildi.
Odan soń beınekonferentsııa baılanysy rejıminde Úılestirý keńesiniń múgedekterdi qorǵaý salasyndaǵy kóshpeli otyrysy ótkizildi. Onda 2012-2018 jyldarǵa arnalǵan múgedekterdiń ómir súrýin jaqsartý jáne quqyqtaryn qamtamasyz etý jónindegi Іs-sharalar josparynyń úshinshiń kezeńin iske asyrý qorytyndylary shyǵaryldy. Ony júzege asyrý úshin 12 mlrd teńgege jýyq qarjy baǵyttaldy. Múgedekterge qyzmet kórsetýge baǵdarlanǵan uıymdar ornalasqan mańaıynda 17 043 jol belgileri men nusqaýlar ornatyldy; 540 jaıaý júrginshilerge arnalǵan jerasty ótkelderine dybystyq qurylǵylar qoıyldy; 28 óńirlik telearnada jańalyqtar telehabarlaryn taratýda sýrdoaýdarma qamtamasyz etildi, «Qoljetimdi orta» qoljetimdiliktiń ınteraktıvti kartasy» portaly ázirlendi. Pasporttalǵandar qatarynan áleýmettik ınfraqurylym nysandarynyń 97,3% qoljetimdi boldy.
Sonymen qatar, Qazaqstan Respýblıkasynda 2025 jylǵa deıingi múgedekterdiń ómir súrý sapasyn jaqsartý jáne quqyqtaryn qamtamasyz etý jónindegi jańa Ulttyq jospar jobasy talqylandy. Úılestirý keńesiniń otyrysynyń qorytyndylary boıynsha Gúlshara Ábdiqalyqova birqatar naqty tapsyrmalar berdi.
Erekshe bilim alý qajettilikteri bar balalar úshin qoljetimdi ári sapaly bilim alý jaǵdaılaryn jasaý maqsatynda «2018-2020 jyldarǵa arnalǵan ınklıýzıvti bilim berýdi damytý» jobasyn iske asyrý boıynsha Jol kartasy bekitildi. Múmkindigi shektelýi balalarǵa arnalǵan «Aqnıet» mektep-ınternatynda delegatsııaǵa osy baǵdarlama tanystyryldy. Onyń aıasynda 1200 pedagogty daıarlaý josparlanǵan, onyń ishinde 2019 jyly ınklıýzıvti bilim berý boıynsha 500 pedagog biliktiligin arttyrýy tıis. Búginde oblysta 13 psıhologııalyq-pedagogıkalyq korrektsııa kabıneti jumys isteıdi. Bul shara Erekshe bilim alý qajettilikteri bar balalarǵa qoljetimdi jerden korrektsııalyq pedagogtar qyzmetterin tegin alýlaryna múmkindik beredi.
Úkimettik delegatsııanyń Shyǵys Qazaqstan oblysyna jumys sapary aıaqtaldy.
