Úkimettik komıssııa Baıqońyrdaǵy ekologııalyq jaǵdaıdy zertteıtin bolady
Búgin Úkimette atalǵan máselege oraı ótken keńeste Premer-Mınıstr Serik Ahmetov Qorshaǵan ortany qorǵaý mınıstrine osyndaı tapsyrma júktedi.
«Oryn alǵan oqıǵaǵa baılanysty Qorshaǵan ortany qorǵaý mınıstriniń basshylyǵyndaǵy úkimettik komıssııa qurýdy tapsyramyn. Ol ǵarysh aılaǵyndaǵy oqıǵanyń óńirge, Qazaqstan Respýblıkasynyń jaqyn aýmaqtaryna ekologııalyq ahýalyna áserin tekserýleri kerek», -dedi S. Ahmetov.
Eske salsaq, búgin DM-03 údetkish blogy jáne «Glonass-M» úsh reseılik navıgatsııalyq ǵarysh apparaty bar «Proton-M» zymyran-tasyǵyshy ushyrylymnyń 10 sekýndynda jerge qulap, jaryldy. Bul oqıǵa ushyrý alańynan 2-3 shaqyrym jerde oryn aldy.
Úkimet basshysynyń jetekshiligimen ótken shuǵyl keńeste Tótenshe jaǵdaılar mınıstri Vladımır Bojko, Іshki ister mınıstri Qalmuhanbet Qasymov pen Ulttyq ǵarysh agenttiginiń tóraǵasy Talǵat Musabaev oqıǵa ornynda halyqtyń qaýipsizdigin qamtamasyz etý boıynsha atqarylyp jatqan jedel sharalar týraly habarlady.